Fjóla Signý Hannesdóttir, frjálsíþróttakona úr Umf. Selfoss, stórbætti HSK metið í 400 m hlaupi kvenna innanhúss á XL-Galan mótinu í Stokkhólmi í dag.
Fjóla Signý hljóp á 57,21 sekúndu og bætti sig um um 0,7 sekúndur. Tíminn er nýtt HSK met í kvennaflokki en Fjóla átti fyrra metið sjálf.
XL-Galan er sterkt alþjóðlegt mót sem haldið er árlega í Stokkhólmi. Keppt var í riðlum í forkeppninni í dag og varð Fjóla í 3. sæti eftir fyrri hluta mótsins. Í kvöld keppa svo heimsmethafar og Ólympíufarar í aðalkeppni mótsins.