Hamar heimsótti Fram í 2. deild kvenna í knattspyrnu í kvöld. Lokatölur leiksins urðu 4-0.
Framarar komust yfir strax á 7. mínútu og þær bættu svo við öðru marki um miðjan fyrri hálfleikinn.
Staðan var 2-0 í leikhléi en Fram breytti stöðunni í 3-0 þegar tíu mínútur voru liðnar af seinni hálfleik. Fjórða markið kom svo á 65. mínútu og þar við sat, lokatölur 4-0.
Hamar er í 10. sæti deildarinnar með 9 stig en Fram er í 3. sæti með 25 stig og í hörkubaráttu um að komast upp um deild.