Fimm Sunnlendingar hafa verið valdir til þátttöku fyrir Íslands hönd á Norðurlandamóti U20 í frjálsum íþróttum sem fram fer í Vasa í Finnlandi dagana 4. og 5.júlí næstkomandi.
Bryndís Embla Einarsdóttir mun keppa í spjótkasti, Kristján Kári Ólafsson í sleggjukasti og Hjálmar Vilhelm Rúnarsson í hástökki, kringlukasti og kúluvarpi. Öll eru þau í Umf. Selfoss.
Helga Fjóla Erlendsdóttir, Íþf. Garpi, mun keppa í hástökki og langstökki og Ívar Ylur Birkisson, Íþf. Dímon, mun keppa í 110 m grindarhlaupi.
Rúnar Hjálmarsson, yfirþjálfari hjá Umf. Selfoss, fylgir hópnum og verður í þjálfarateymi Íslands.