Aldís Embla Magnúsdóttir var að ljúka sínum fyrsta golfhring þegar hún sá fugl berjast um í tjörninni á átjándu braut á Þorláksvelli í Þorlákshöfn.
Aldís beið ekki boðanna, óð út í og náði fuglinum, sem reyndist vera lómur, eftir mikinn eltingaleik. Fuglinn var flæktur í einhverskonar vírnet og hjálpuðust kylfingar að við að losa fuglinn.
Það eru ekki margir sem ná fugli á sínum fyrsta golfhring en frá þessu ævintýri er greint á Facebooksíðu Golfklúbbs Þorlákshafnar og þar má finna myndbandið hér að neðan af eltingarleiknum sem tók nokkrar mínútur.