Selfoss vann öruggan sigur á Njarðvík-b í 1. deild kvenna í körfubolta í kvöld. Lokatölur í Vallaskóla urðu 75-65.
Selfyssingar voru sterkari í fyrri hálfleik og staðan í leikhléi var 44-30. Munurinn hélst svipaður í 3. leikhluta en Njarðvík-b saxaði lítillega á forskotið í 4. leikhluta. Selfoss afgreiddi verkefnið þó fagmannlega og sigur þeirra var aldrei í hættu.
Jessica Tomasetti var stigahæst Selfyssinga með 24 stig og 7 fráköst.
Selfoss er í 4. sæti deildarinnar með 18 stig en Njarðvík-b er í 7. sæti með 10 stig.
Selfoss-Njarðvík-b 75-65 (21-18, 23-12, 12-12, 19-23)
Tölfræði Selfoss: Jessica Tomasetti 24/7 fráköst, Valdís Una Guðmannsdóttir 11/7 fráköst, Perla María Karlsdóttir 9/7 fráköst, Anna Katrín Víðisdóttir 8, Vilborg Óttarsdóttir 7/4 fráköst, Gígja Marín Þorsteinsdóttir 7/4 fráköst, Mathilde Sorensen 4/4 fráköst, Heiður Hallgrímsdóttir 3/4 fráköst, Andrea Líf Gylfadóttir 2.