Eva María Baldursdóttir, Umf. Selfoss, sigraði í hástökki á PSU National Open, sterku bandarísku háskólamóti sem haldið var í Pennsylvaníu um síðustu helgi.
Eva María, sem keppir fyrir University of Pittsburgh, stökk yfir 1,79 m. Hún var örugg í öllum sínum tilraunum og uppskar sigur að lokum eftir harða keppni. Umstökk þurfti til að skera út um sigurvegara hástökkskeppninnar.
Þetta er frábær byrjun á keppnistímabilinu hjá Evu Maríu en á síðasta ári bætti hún sinn persónulega árangur þegar hún stökk 1,84 m.