Eric Máni Guðmundsson og Alexander Adam Kuc, Umf. Selfoss, hafa verið valdir til að taka þátt í landsliðsverkefnum á vegum Mótorhjóla- og snjósleðaíþróttasamband Íslands í byrjun október.
Eric Máni var valinn í ungt og efnilegt landslið Íslands fyrir MXoN en ásamt honum eru í liðnu þeir Eiður Orri Pálmarsson og Ingvar Sverrir Einarsson. Eric Máni mun keppa í MX2. Keppnin í ár fer fram 3.-5. október á Ironman Raceway í Crawfordsville í Indianafylki í Bandaríkjunum.
Alexander Adam var valinn í landslið Íslands fyrir Coupe de l’Avenir. Keppnin er haldin árlega í Belgíu fyrir ökumenn undir 21 árs. Fimmtán þjóðir taka þátt árlega og má hver þjóð senda þrjú lið, skipuð þremur ökumönnum til keppni. Þetta er í annað skipti sem Ísland sendir þrjú fullskipuð lið til keppni og undirstrikar það að framtíðin í íslensku motocrossi er sannarlega björt. Alexander mun keppa í MX Open 4.-5. október.