Uppsveitir töpuðu stórt þegar þeir heimsóttu topplið Smára í Fagralund í Kópavogi í 5. deild karla í knattspyrnu í gærkvöldi.
Fyrsta mark leiksins leit dagsins ljós í uppbótartíma fyrri hálfleiks en þá komust Smáramenn yfir og staðan var 1-0 í hálfleik.
Ófarnirnar byrjuðu svo fyrir alvöru í seinni hálfleiknum þar sem Smári raðaði jafnt og þétt inn mörkum og lokatölur urðu 10-0. Ýmir Halldórsson, leikmaður Smára, skoraði 6 mörk á 28 mínútna kafla.
Smári er í toppsæti riðilsins með 31 stig og tryggði sér sæti í úrslitakeppninni með sigrinum. Uppsveitir eru í 7. sæti með 9 stig.