Ólafur Stefánsson landsliðsþjálfari U-20 landsliðs Íslands í hanbolta hefur valið liðið sem tekur þátt í forkeppni EM sem fram fer í Póllandi í byrjun apríl.
Selfyssingurinn Elvar Örn Jónsson er í hópnum en hann hefur verið í lykilhlutverki hjá meistaraflokksliði Selfoss í 1. deildinni í vetur. Elvar var í U-18 landsliði Íslands sem hlaut bronsverðlaun á heimsmeistaramótinu í Rússlandi í fyrra undir stjórn Einars Guðmundssonar, yfirþjálfara Selfoss.
Í undankeppninni mætir lið Íslands Búlgaríu, Ítalíu og heimamönnum frá Póllandi.
Auk Elvars er Selfyssingurinn Ómar Ingi Magnússon, leikmaður Vals, einnig í hópnun, auk þess sem hinn ungi og knái Teitur Örn Einarsson (sem enn er í U-18 landsliðinu) er einn fjögurra sem einnig taka þátt í æfingum og eru til taks.
Frá þessu er greint á heimasíðu Selfoss.