Elínborg Katla framlengir við Selfoss

Elínborg Katla Þorbjörnsdóttir skoraði 8 mörk fyrir Selfoss. Ljósmynd: Umf. Selfoss/ÁÞG

Handknattleikskonan Elínborg Katla Þorbjörnsdóttir hefur framlengt samning sinn við Selfoss til tveggja ára.

Elínborg, sem er vinstri skytta, er aðeins 16 ára gömul en gríðarlega efnileg og var meðal annars lykilmaður í liði meistaraflokks kvenna, sem var aðeins hársbreidd frá því að komast upp í Olísdeild kvenna í fyrra.

Í tilkynningu frá handknattleiksdeildinni kemur fram að þar á bæ séu allir gríðarlega ánægðir með að Elínborg Katla skuli vera áfram hluti af ungu og efnilegu liði meistaraflokks kvenna sem verður spennandi að fylgjast með í vetur.