Elín Krista Sigurðardóttir hefur framlengt samning sinn við handknattleiksdeild Selfoss til tveggja ára.
Elín, sem er örvhent skytta, er aðeins 19 ára gömul og mjög efnilegur leikmaður. Hún var lykilmaður í liði meistaraflokks kvenna á síðustu leiktíð en þá var liðið aðeins hársbreidd frá því að komast upp úr Grill 66 deildinni.
Í tilkynningu frá handknattleiksdeildinni er þessum tíðindum fagnað og sagt að spennandi verði að fylgjast með meistaraflokki kvenna næsta vetur.