Bakvörðurinn knái Einar Breki Sverrisson hefur skrifað undir sinn fyrsta samning við knattspyrnudeild Selfoss en sá nær til næstu þriggja ára.
Einar er Selfyssingur í húð og hár og hefur æft og spilað hér upp alla yngri flokka félagsins. Hann var hluti af og spilaði stórt hlutverk í liði 3. flokks Selfoss sem varð bikarmeistari sumarið 2021.
Í allan vetur hefur Einar æft og spilað æfingaleiki með meistaraflokki Selfoss og staðið sig vel.