Knattspyrnudeild Selfoss og sænska úrvalsdeildarfélagið Kristianstads DFF hafa komist að samkomulagi að sænska félagið láni Selfyssingum Emelíu Óskarsdóttur fram á haust.
Emelía, sem er ný orðin 17 ára, er ein efnilegasta knattspyrnukona landsins. Hún er leikmaður U19 ára landsliðs Íslands og kom, þrátt fyrir ungan aldur, við sögu í 15 deildarleikjum Kristianstad á síðasta tímabili.
„Við erum ákaflega spennt fyrir því að fá Emelíu til liðs við okkur. Það er mikill heiður fyrir okkur á Selfossi að ein okkar efnilegasta knattspyrnukona sjái sér hag í því að koma á Selfoss til að halda áfram að þroska leik sinn og geta svo haldið áfram sínum atvinnumannadraumi. Það er gríðarlega spennandi fyrir okkur sem félag og mig sem þjálfara að fá að taka þátt í þessari vegferð hennar,“ segir Björn Sigurbjörnsson þjálfari Selfoss, í tilkynningu frá Selfyssingum.