Berserkir BJJ á Selfossi sendi þrjá keppendur til leiks á Mjölnir Open 20 sem haldið var síðastliðinn laugardag í húsnæði Mjölnis í Öskjuhlíð í Reykjavík.
Mjölnir Open er opið mót þar sem flest brögð eru leyfð og keppendur eru ekki flokkaðir eftir beltastigum, sem gerir keppnina sérstaklega krefjandi þar sem reyndari og minna reyndir keppendur mætast. Frammistaða Berserkjanna þriggja var góð á mótinu og sýnir aukinn styrk og framfarir hjá félaginu.
Egill Blöndal keppti í -99 kg flokki þar sem níu keppendur tóku þátt og stóð hann uppi sem sigurvegari, tók 1. sætið eftir fína frammistöðu.
Þröstur Valsson átti í erfiðleikum í sínum þyngdarflokki, en bætti upp fyrir það í opnum flokki þar sem hann vann sannfærandi sigur á töluvert reyndari andstæðingi og sýndi þar miklar framfarir. Þröstur hafnaði í 5. sæti í +99 kg flokki og í opnum flokki.
Fannar Júlíusson hóf keppni af krafti og sigraði fyrstu glímu sína með öruggum hætti, en laut í lægra haldi í annarri glímu sinni gegn þeim sem stóð svo uppi sem sigurvegara flokksins. Fannar endaði í 9. sæti í -77 kg flokki.