Fjórir keppendur frá júdódeild Selfoss fóru á Budo Nord Judo mótið í Lundi í Svíþjóð um síðustu helgi og náðu allir á verðlaunapall.
Mótið var mjög fjölmennt eða um 550 keppendur frá öllum Norðurlöndunum, Frakkalandi og Þýskalandi en mótið er fyrir keppendur undir 21 árs aldri.
Egill Blöndal sigraði sinn þyngdarflokk með nokkrum yfirburðum, þar á meðal núverandi Norðurlandameistara, Martti Puumalainen frá Finnlandi, á aðeins 14 sekúndum.
Var Martti ósáttur við tapið og sagði við Egil utan vallar eftir tapið að hann gæti unnið Egil hvar og hvernær sem væri. Í framhaldi af mótinu voru æfingbúðir þar sem Martti ætlaði að nýta tækifærið og sýna Agli strax í tvo heimana en Egill sturtaði honum aftur eftir aðeins 20 sekúndur!
Þess má geta að Egill er kominn í landsliðið og er á leiðinni á Norðurlandamót um næstu helgi og Smáþjóðaleikana í lok maí.
Úlfur Böðvarson stóð sig frábærlega á mótinu og náði silfri í sínum flokki og litli bróðir hans, Bjartþór Böðvarsson og systir þeirra, Þórdís Böðvarsdóttir náðu einnig 3. sæti – hæfileikarík fjölskylda þar á ferð.