Egill Blöndal og Fannar Þór Júlíusson, júdódeild Umf. Selfoss, hafa verið valdir í landsliðshóp Íslands fyrir Norðurlandamótið í júdó sem haldið verður í Drammen í Noregi 13.-14. maí næstkomandi.
Þetta verður fyrsta Norðurlandamót Fannars, sem er aðeins 15 ára gamall, en hann mun keppa í U18 og U21 aldursflokki.
Þeir félagarnir mæta vel undirbúnir til leiks en landsliðshópur Íslands hefur nýlokið æfingabúðum til að undirbúa sig fyrir mótið.