Júdómaðurinn Egill Blöndal, Umf. Selfoss, átti frábæra endurkomu á Norðurlandameistaramótinu í júdó, sem fram fór í Finnlandi um helgina.
Egill vann allar sínar viðureignir í -100 kg flokknum á köstum og stóð því efstur á palli í mótslok. Með þessari frammistöðu endurheimti hann því Norðurlandameistaratitilinn, sem hann vann síðast árið 2023 en hann hefur ekki keppt erlendis síðan þá.
Þetta voru einu gullverðlaun Íslands í fullorðinsflokki á mótinu í ár.
Ísland sendi fjölmennan og vaskan hóp til leiks, en alls ferðuðust um 22 keppendur utan ásamt fríðu föruneyti þjálfara og aðstoðarmanna. Hópurinn stóð sig með prýði og kepptu í flokkum cadetn(U18), juniora (U21) og seniora.
