Hraðmót HSK í blaki kvenna fór fram á Flúðum 24. september síðastliðinn og voru átta lið skráð til leiks. A-lið Dímonar/Heklu fór ósigrað í gegnum kvöldið og vann hraðmótsmeistaratitilinn þar með annað árið í röð.
Spilaðir voru 16 mínútna leikir og spiluðu allir við alla. Það voru því spilaðir 28 leikir á einu kvöldi, sjö leikir á lið.
Sem fyrr segir lauk A-lið Dímonar/Heklu mótinu með fullt hús stiga, Hrunakonur og Dímon/Hekla B urðu í öðru og þriðja sæti með fimm unna leiki. UMFL Dælur og UMFL Ungar komu þar á eftir með fjóra unna leiki.