Karlalið Hamars valtaði yfir Mídas þegar liðið hóf leik í C-deild Lengjubikars karla í knattspyrnu á Leiknisvellinum í Breiðholti í gærkvöldi.
Tómas Hassing kom Hamri í 0-1 undir lok fyrri hálfleiks og staðan var 0-1 í leikhléi. Tómas var aftur á ferðinni á 60. mínútu en síðan tók Daníel Rögnvaldsson við markaskorarakeflinu og skoraði tvö mörk í röð fyrir Hamar.
Mídas náði að minnka muninn í 1-4 á 81. mínútu en Daníel var ekki hættur og innsiglaði 1-5 sigur Hamars með þriðja marki sínu á lokamínútu leiksins.
Þetta var fyrsti leikur Hamars í riðlinum en liðið á eftir að mæta Ísbirninum, Augnabliki og Hvíta riddaranum í riðlakeppninni.