Dagný Brynjarsdóttir skoraði tvö mörk og átti frábæran leik þegar Ísland vann Hvíta-Rússland 6-0 í undankeppni HM á Laugardalsvellinum í dag.
Staðan var 2-0 í hálfleik en Dagný skoraði þriðja mark Íslands á upphafsmínútum seinni hálfleiks. Þær bláklæddu voru ekki hættar og röðuðu innmörkum á lokakafla leiksins og Dagný skoraði sitt annað mark á 81. mínútu og kom Íslandi í 5-0.
Sif Atladóttir, leikmaður Selfoss, sat á varamannabekknum allan tímann.
Með sigrinum fer Ísland á toppinn í sínum riðli og spilar úrslitaleik gegn Hollandi ytra á þriðjudaginn. Jafntefli dugar Íslandi þar til þess að komast beint á HM en sigri Hollendingar fer Ísland í umspil um sæti á mótinu.