Dagný María og Elvar Örn íþróttafólk HSK 2018

Elvar Örn Jónsson og Daníel Jens Pétursson sem tók við verðlaununum fyrir hönd Dagnýjar, systur sinnar. sunnlenska.is/Guðmundur Karl

Dagný María Pétursdóttir, taekwondokona og Elvar Örn Jónsson, handknattleiksmaður, bæði úr Umf. Selfoss voru útnefnd íþróttakona og íþróttakarl Héraðssambandsins Skarphéðins árið 2018.

Verðlaunin voru veitt á héraðsþingi HSK sem fram fór í kvöld á Laugalandi í Holtum. Valnefnd valdi þau Dagnýju og Elvar úr hópi tilnefndra íþróttamanna.

Dagný María vann til gullverðlauna á Norðurlandamótinu 2018 og vann einnig til gullverðlauna á Nurtzi Open í Finnlandi. Hún er ein af sterkustu taekwondokonum landsins.

Elvar Örn er lykilleikmaður í toppliði Selfoss í Olísdeild karla í handbolta. Liðið náði sínum besta árangri í deildarkeppni árið 2018, lék í undanúrslitum Íslandsmótsins og náði eftirtektarverðum árangri í Evrópukeppni. Elvar Örn hefur stimplað sig inn sem A-landsliðsmaður og var valinn besti leikmaður Olísdeildarinnar árið 2018.

Aðrir tilnefndir í kjörinu voru:

Akstursíþróttir: Atli Jamil Ásgeirsson, Torfæruklúbbi Suðurlands.
Blak: Ragnheiður Eiríksdóttir, Hamri og Hilmar Sigurjónsson, Hamri.
Frjálsar íþróttir: Hulda Sigurjónsdóttir, Suðra og Kristinn Þór Kristinsson, Selfoss.
Íþróttir fatlaðra: Hulda Sigurjónsdóttir, Suðra og Bjarni Friðrik Ófeigsson, Suðra.
Golf: Heiðrún Anna Hlynsdóttir, GOS og Andri Már Óskarsson, GHR.
Glíma: Jana Lind Ellertsdóttir, Garpi og Jón Gunnþór Þorsteinsson, Þjótanda.
Handknattleikur: Perla Ruth Albertsdóttir, Selfossi.
Hestaíþróttir: Katrín Eva Grétarsdóttir, Háfeta og Sigurður Sigurðarson, Geysi.
Júdó: Egill Blöndal, Selfossi.
Knattspyrna: Magdalena Anna Reimus, Selfossi og Guðmundur Axel Hilmarsson, Selfossi.
Körfubolti: Helga Sóley Heiðarsdóttir, Hamri og Halldór Garðar Hermannsson, Þór.
Motocross: Gyða Dögg Heiðarsdóttir, Selfossi.
Skotíþróttir: Helga Jóhannsdóttir, SFS og Hákon Þór Svavarsson, SFS.
Taekwondo: Þorsteinn Ragnar Guðnason, Selfossi.