Chris Woods í Hamar

Hamar hefur samið við Christopher Woods um að spila fyrir liðið í 1. deildinni á komandi tímabili. Woods spilaði með FSu í Domino's-deildinni á síðasta keppnistímabili.

Woods hefur leikið við góðan orðstír á Íslandi síðastliðin fjögur tímabil, bæði í 1. deild og efstu deild. Hann lék fyrst um sinn með Valsmönnum sem slógu Hamarsmenn út í einvígi um sæti í úrvalsdeild tímabilið 2013-14. Hann lék svo einnig með Valsmönnum árið eftir, en skipti svo yfir í Snæfell.

Með FSu skilaði hann 27,7 stigum að meðaltali og tók 11,5 fráköst. Á Íslandi er Woods að meðaltali með 25 stig, 13 fráköst og 26 framlagspunkta í þeim 89 leikjum sem hann hefur leikið.

Fyrsti leikur Woods verður gegn ÍA uppá Skaga næstkomandi sunnudag, en fyrsti heimaleikur Hamars er föstudaginn 14. október gegn Hetti.