Carlos Martin Santos og handknattleiksdeild Umf. Selfoss hafa komist að samkomulagi um starfslok Carlos sem þjálfari meistaraflokks karla. Er það gert að ósk Carlos.
Carlos kom til félagsins árið 2023 sem aðstoðarþjálfari Þóris Ólafssonar. Hann tók síðan við sem aðalþjálfari liðsins árið 2024 og hefur stýrt liðinu síðustu tvö tímabil. Á fyrsta tímabili hans náði liðið þeim áfanga að tryggja sér sæti í Olísdeildinni eftir ævintýralegt umspil við Víking og Gróttu.
Liðið endaði í 10. sæti Olísdeildarinnar í vetur og tryggði sér áframhaldandi veru í deild þeirra bestu.
„Ég hef notið þess að þjálfa á Selfossi og vinna með ungum og metnaðarfullum leikmönnum. Ég óska Selfossi alls hins besta á næstu leiktíð og í framtíðinni,“ segir Carlos í sameiginlegri tilkynningu hans og handknattleiksdeildarinnar, þar sem Selfyssingar þakka honum fyrir sitt framlag til félagsins.