Selfoss tók á móti FHL í 1. deild kvenna í knattspyrnu í dag. Niðurstaðan varð bragðdauft 0-0 jafntefli.
Það var ekkert að frétta í fyrri hálfleik og fáir á vellinum, enda leiktíminn 13:30 á þriðjudegi heldur óspennandi. Liðunum gekk illa að skapa sér færi og leikurinn einkenndist af miðjumoði.
Svipað var uppi á teningnum í seinni hálfleik, sóknarleikurinn var ekki beittur en báðum liðum tókst þó að skapa sér dauðafæri. Boltinn vildi hins vegar ekki í netið og því skiptu liðin með sér stigunum.
Selfoss er í 3. sæti deildarinnar með 23 stig en FHL í 7. sæti með 18 stig.