Júdódeild Selfoss hefur ráðið nýjan þjálfara til starfa, George Bountakis sem kemur frá Spörtu í Grikklandi.
Þetta kemur fram í tilkynningu frá júdódeild Selfoss, þar sem Bountakis er boðinn velkominn til starfa.
Bountakis er 6. Dan í júdó og hefur áratuga reynslu af þjálfun íþróttamanna og sérstaklega júdó. Hann hefur menntað sig í Grikklandi og Japan en BSc gráðu í íþróttaþjálfun lauk hann frá Cambridge háskóla í Bretlandi árið 2016 og doktorsnámi frá Hertfordshire háskóla fyrr á þessu ári, með júdó sem sérgrein.
Hann var einn af landsliðsþjálfurum Grikklands um árabil auk þess sem hann þjálfaði landsliðkeppendur frá Grikklandi, Wales og Stóra-Bretlandi fyrir Ólympíuleikana. Ein af nemendum hans var Ioulietta Boukouvala sem náði að vinna til fjölda gullverðlauna á sterkustu júdómótum heims.
Þá hefur Bountakis búið til sérhæft kennsluefni í Wales fyrir júdóþjálfara til kennslu fyrir börn og unglinga. Hann þjálfaði einnig lögreglu og sérsveitir hersins í Grikklandi, og verða slíkar sérhæfðar æfingar í boði á næstunni hjá júdódeild Selfoss.