Handknattleiksdeild Selfoss hefur gert samning við bosníska markmanninn Anadin Suljaković.
Suljaković er 19 ára gamall en er þrátt fyrir það reynslumikill leikmaður og um leið bráðefnilegur, að því er segir í fréttatilkynningu frá stjórn deildarinnar.
Hann hefur spilað með RK Maglaj í Bosníu og Hersegóvínu, Al Sadd SC í Katar ásamt því að hafa spilað með yngri landsliðum Katar frá árinu 2015.