Tveir keppendur frá Umf. Selfoss kepptu á þriðja bikarmóti Taekwondosambands Íslands í bardaga sem haldið var í Keflavík á dögunum.
Björn Jóel Björgvinsson gerði sér lítið fyrir og vann +80 kg senior flokk karla og var hann valinn maður mótsins annað mótið í röð.
Úlfur Darri Sigurðsson stóð sig einnig vel og fékk silfurverðlaun í -49 kg cadet (12-14 ára) flokki karla.
Selfoss endaði í öðru sæti í bikarmótaröðinni á eftir Keflavík.
