Selfyssingurinn Björn Jóel Björgvinsson þreytti svartbeltis próf, 1. dan, í taekwondo í Mudo Gym í Víkurhvarfi í síðustu viku.
Hann var eini próftakinn að þessu sinni og stóðst hann prófið með miklum sóma. Greint er frá þessu á heimasíðu UMFS.
Á meðfylgjandi mynd er Björn Jóel í hvítum galla ásamt meisturum deildarinnar Sigursteini Snorrasyni (6. dan), Magneu Kristínu Ómarsdóttur (4. dan) og yfirþjálfara taekwondodeildar Selfoss Daníel Jens Péturssyni (3. dan).