Björn heiðursfélagi UMFÍ

Birni Bjarndal Jónssyni, fyrrverandi formanni HSK og UMFÍ, var í morgun veitt heiðursfélaganafnbót Ungmennafélags Íslands á 47. sambandsþingi hreyfingarinnar í Hofi á Akureyri.

Heiðursfélaganafnbót UMFÍ er æsta viðurkenningin sem hreyfingin veitir.

Björn, sem býr á Selfossi, er búfræðingur, garðyrkjufræðingur og skógarverkfræðingur að mennt, hefur alla tíð verið áhugasamur um ungmennafélagsmál en hann gekk í Ungmennafélag Biskupstungna 14 ára gamall. Hann varð síðar formaður félagsins og og einnig formaður Héraðssambandsins Skarphéðins um tíma.

Árið 1995 var Björn kjörinn í stjórn UMFÍ og tók að sér starf varaformanns og gegndi því starfi í sex ár eða þar til hann var kjörinn formaður hreyfingarinnar 2001 og gegndi starfinu til ársins 2007.