Björk Steindórsdóttir á Selfossi, sem keppir með Frískum Flóamönnum, setti HSK-met í sínum aldursflokki í Laugavegshlaupinu á dögunum.
Björk hljóp á 7:09,42 klst og stórbætti HSK metið í flokki 50-54 ára. Gamla metið átti Elín Úlfarsdóttir og var það 8:48,02 klst.
Þetta er í tólfta sinn sem Björk hleypur Laugavegshlaupið sem er frábært afrek en um tuttugu Sunnlendingar tóku þátt í hlaupinu í ár.