Kvennalið Selfoss í knattspyrnu mætir KR á útivelli í 16-liða úrslitum Mjólkurbikarsins. Dregið var í hádeginu í dag.
Selfoss er ríkjandi bikarmeistari kvenna í knattspyrnu en liðið sigraði KR í úrslitaleik keppninnar árið 2019. Selfoss var komið í undanúrslit árið 2020 þegar keppninni var aflýst vegna COVID-19.
Leikur Selfoss og KR fer fram annað hvort 31. maí eða 1. júní.
Aðrir leikir í 16-liða úrslitunum eru:
Fjarðabyggð/Leiknir/Höttur – Þróttur
FH – Þór/KA
Fylkir – Keflavík
Völsungur – Valur
Stjarnan – ÍBV
Breiðablik – Tindastóll
Grindavík – Afturelding