Fyrstudeildarlið Ægis vann magnaðan sigur á Bestudeildarliði KA í 16-liða úrslitum bikarkeppni karla í knattspyrnu á Akureyri í dag. Lokatölur fyrir norðan urðu 1-2.
Ægismenn komust yfir á 17. mínútu með marki frá Harley Willard og aðeins sex mínútum síðar tvöfaldaði Nikola Stojanovic forskotið eftir hornspyrnu. KA sótti stíft seinni hluta fyrri hálfleiks og heimamenn náðu að minnka muninn í 1-2 á 31. mínútu.
KA var meira með boltann í seinni hálfleiknum en Ægisliðið varðist mjög vel og freistaði þess að sækja hratt. Mörkin urðu hins vegar ekki fleiri og Ægir fagnaði innilega óvæntum sigri.
Eftir leik var dregið í 8-liða úrslitin og þar fá Ægismenn risaverkefni, Breiðablik kemur í heimsókn í Þorlákshöfn 7. eða 8. júní.