Knattspyrnudeild Selfoss hefur samið við markmanninn Benjamín Jónsson um að leika með liðinu í sumar.
Til stóð að heimamaðurinn Arnór Elí Kjartansson stæði á milli stanganna í sumar en hann meiddist á dögunum og verður frá keppni í einhvern tíma.
Benjamín lék með yngri flokkum Vals áður en hann fór yfir í Fram. Þar lék hann einn leik í Bestu deildinni sumarið 2023. Þaðan fór hann til Þróttar í Vogum áður en hann samdi við Þrótt Reykjavík fyrir síðasta tímabil.
Selfyssingar hefja keppni í 2. deildinni næstkomandi laugardag, á heimavelli gegn KFA.