Eftir góða byrjun í 5. deild karla í knattspyrnu er Uppsveitum nú að fatast flugið. Liðið tapaði þriðja leiknum í röð þegar það heimsótti Skallagrím í Borgarnes í dag.
Skallagrímur skoraði tvívegis með stuttu millibili um miðjan fyrri hálfleikinn og staðan var 2-0 í hálfleik. Þriðja mark heimamanna leit dagsins ljós á 4. mínútu seinni hálfleiks og þeir innsigluðu svo 4-0 sigur með marki á lokamínútu leiksins.
Uppsveitir eru í 5. sæti A-riðils 5. deildar með 9 stig en Skallagrímur er í 3. sætinu með 11 stig.