1. deildarlið FSu í körfubolta hefur fengið enska leikmanninn Grant Bangs til liðs við sig. Bangs er 21 árs gamall rúmlega tveggja metra bakvörður/framherji.
Hann lék síðast í Bandaríkjunum og er hann fjölhæfur leikmaður sem kemur í gegnum samstarf FSu við skóla í Englandi. Hann er annar erlendi leikmaður félagsins og mun því aðeins geta leikið þær mínutur sem Collin Pryor verður á tréverkinu þar sem aðeins er heimilt að hafa einn erlendan leikmann inni á vellinum.
Bangs mun æfa með akademíu FSu og að hans sögn hlakkar hann mikið til að hefja sinn feril sem hann vonar að verði langur og farsæll í Evrópu. Hann er væntanlegur til landsins í byrjun september en keppni í 1. deildinni hefst 11. október.