Fimleikadeild Selfoss á átta fulltrúa í landsliðum Íslands sem keppa á Evrópumótinu í hópfimleikum í Finnlandi nú í vikunni.
Í stúlknaliðinu keppa Kristín María Kristjánsdóttir og Elva Lillian Sverrisdóttir. Í drengjaliðinu eru Eiður Hilmar Sigmundsson, Birgir Árni Sigmundsson og Hinrik Jarl Aronsson. Victoria Ann Vokes, Silvia Rós Nokkala Valdimarsdóttir og Elsa Karen Sigmundsdóttir keppa með kvennalandsliðinu.
Selfoss á einnig fulltrúa í þjálfarateymi landsliðanna. Heiðrún Ósk Sævarsdóttir, þjálfari hjá Fimleikadeild Selfoss, er þjálfari drengjalandsliðsins á Evrópumótinu.
Mótið hefst á miðvikudaginn en undanúrslitin fara fram á miðvikudag og fimmtudag og úrslitin síðan á föstudag og laugardag.
Á heimasíðu Selfoss er rætt við keppendurna frá fimleikadeild Selfoss og farið yfir hvaða væntingar þau bera til mótsins.