Atli Hjörvar kominn heim

Handknattleiksmaðurinn Atli Hjörvar Einarsson skrifaði undir samning við Selfoss nú í vikunni, og mun hann spila með Selfyssingum a.m.k út þetta tímabil.

Atli er uppalinn á Selfossi en hann fór frá félaginu haustið 2011 og spilaði með FH einn vetur en hann hefur spilað lykilhlutverk með liði Víkings síðastliðið eitt og hálft ár.

Koma Atla mun án efa styrkja lið Selfoss en hann er línumaður og er öflugur varnarmaður.