Áslaug Dóra Sigurbjörnsdóttir, leikmaður Selfoss, skoraði mark U17 ára liðs Íslands í vináttuleik gegn Írlandi í Tramore á Írlandi í gær.
Lokatölur urðu 1-1 en Áslaug Dóra skoraði mark Íslands eftir tíu mínútna leik í seinni hálfleik og jafnaði metin. Fyrri leikur liðanna fór fram í Waterford á föstudag og lauk honum einnig með jafntefli, 2-2.
Áslaug Dóra bar fyrirliðabandið í leikjunum tveimur og stóð sig vel, var sér og sínu félagi til sóma, eins og frá er greint á Facebooksíðu Selfoss.