Knattspyrnukonan efnilega, Ásdís Erla Helgadóttir, hefur gert þriggja ára samning við knattspyrnudeild Selfoss en þetta er fyrsti samningur hennar við félagið.
Ásdís er sextán ára gömul og býr í Reykholti í Biskupstungum en hefur æft knattspyrnu á Selfossi frá tíu ára aldri.
Hún spilaði sína fyrstu meistaraflokksleiki í fyrrasumar og hefur verið valin í leikmannahópa bæði U15 og U16 ára landsliða kvenna.