Knattspyrnudeild Selfoss og ÍBV hafa komist að samkomulagi um að Aron Lucas Vokes gangi í raðir ÍBV á láni út leiktíðina. ÍBV, sem leikur í Bestu deildinni, hefur síðan kauprétt á Aroni eftir tímabilið.
Aron Lucas hefur undanfarin ár verið lykilmaður í liði Selfoss en hann kom sem stormsveipur inn í meistaraflokk sumarið 2024 þegar hann lék 22 leiki. Hann var valinn leikmaður ársins sumarið 2025, auk þess sem hann var markakóngur liðsins.
Aron hefur átt gott sumar í vínrauðu treyjunni í sumar en hann hefur skorað sjö mörk í fjórtán leikjum í 2. deildinni.
„Við óskum Aroni alls hins besta á eyjunni fögru og þökkum fyrir tímann á Selfossi,“ segir í tilkynningu frá Selfyssingum.