Aldursflokkamót HSK í sundi var haldið í sundlauginni á Hvolsvelli síðastliðinn þriðjudag. Á mótinu var keppt í fjórum aldursflokkum barna og unglinga 17 ára og yngri.
Í yngsta flokknum 10 ára og yngri var ekki keppt til verðlauna og þar fengu allir jafna viðurkenningu. Í flokkum 11 ára og eldri var keppt um gull, silfur og brons.
Besta afrek mótsins samkvæmt alþjóðlegri stigatöflu vann Arnór Karlsson, Umf. Selfoss. Hann synti 100 metra skriðsund á 1:05,49 mín. sem gaf 323 stig.
Selfoss vann stigakeppni félaga örugglega með 170 stig. Dímon varð í öðru sæti með 52 stig eftir hörkukeppni við Hamar sem endaði með 40 stig.
