Einar Sverrisson, Haukur Þrastarson og Árni Steinn Steinþórsson skrifuðu allir undir nýja samninga við handknattleiksdeild Selfoss í dag.
Haukur framlengir samning sinn um þrjú ár en þeir Einar og Árni Steinn um tvö ár.
Í tilkynningu frá stjórn handknattleiksdeildarinnar kemur fram að þar á bæ séu menn gríðarlega ánægðir með að þremenningarnir hafi ákveðið að halda tryggð við félagið, en þeir hafa allir verið lykilmenn í liðinu í Olísdeildinni í vetur.