Knattspyrnufélag Árborgar byrjaði keppni í C-deild Lengjubikars karla á sigri gegn KFS frá Vestmannaeyjum á Selfossvelli í kvöld.
Árni Páll Hafþórsson kom Árborg yfir á 8. mínútu leiksins og staðan var 1-0 í hálfleik. Árni var aftur á ferðinni snemma í síðari hálfleik og kom Árborg þá í 2-0 sem urðu lokatölur leiksins.
Árborg er með 3 stig í toppsæti riðils-6, eins og Hamar, en önnur lið í riðlinum eru án stiga.