Árni Hrannar Arngrímsson var sjálfkjörinn áfram formaður Golfklúbbs Þorlákshafnar á tæplega fimmtíu manna aðalfundi félagsins, sem haldinn var í Versölum í Ráðhúsi Ölfuss í síðustu viku.
Varaformaðurinn Gyða Steina Þorsteinsdóttir var einnig endurkjörin, en breyting varð á stjórn þar sem Óskar Gíslason var kosinn í sæti Óttars Ingólfssonar, sem gaf ekki kost á sér áfram. Voru Óttari þökkuð góð störf fyrir klúbbinn.
Tveir komu nýir inn í varastjórn, þeir Haraldur Guðmundsson og Snorri Jökull Egilsson.