Arnar Helgi Arnarsson, Judofélagi Suðurland, gerði sér lítið fyrir og krækti í silfurverðlaun í flokki U21 á Norðurlandamótinu í júdó sem fram fór í Bröndby í Danmörku um síðustu helgi.
Judofélag Suðurlands átti tvo keppendur á mótinu, bræðurna Arnar Helga og Böðvar Arnarssyni frá Eyrarbakka en þátttakendur á mótinu voru rúmlega 600 talsins.
Arnar Helgi, sem er 17 ára og keppti á fyrsta ári í flokki U21, stóð sig frábærlega og sigraði tvo andstæðinga sína með nokkrum yfirburðum á fullnaðarsigri. Rasmus Strömstedt frá Svíþjóð var þó sterkari í þetta sinn og tók gullið.
Arnar Helgi keppti einnig í flokki fullorðinna og stóð sig með ágætum en varð að játa sig sigraðan fyrir eldri og reyndari mönnum.
Böðvar keppti í 81kg flokki fullorðinna en varð að láta í minni pokann fyrir andstæðingunum þennan daginn en keppnin mun skila reynslu fyrir komandi mót.