Knattspyrnufélagið Ægir hefur undanfarna daga fengið góðan liðsstyrk fyrir átökin í 3. deildinni í sumar.
Arilíus Marteinsson og Ingi Rafn Ingibergsson eru komnir til félagsins frá Selfyssingum þar sem þeir hafa spilað undanfarin ár en Arilíus lék meðal annars átján leiki með liðinu í 1. deildinni fyrra.
Hafþór Atli Agnarsson er kominn á láni frá BÍ/Bolungarvík en hann skoraði eitt mark í fimmtán leikjum í 1. deildinni í fyrra.
Markvörðurinn Magnús Karl Pétursson hefur tekið fram hanskana og skipt í Ægi. Magnús var á mála hjá Stjörnunni í fyrra og í vetur lék hann með ÍR áður en hann ákvað að setja hanskana á hilluna.
Þá hafa Ægismenn einnig fengið serbneska kantmannin Predrag Dordevic í sínar raðir sem og Ivan Razumovis frá Kanada.
Fotbolti.net greindi frá þessu.