Árborg heimsótti topplið Álftaness í 4. deild karla í knattspyrnu í kvöld. Leiknum lauk með 1-0 sigri heimamanna sem auka þar með bilið á Árborg sem situr í 3. sæti.
Álftanes byrjaði leikinn af krafti og komst yfir á 14. mínútu með marki sem Árborgarar voru mjög ósáttir við, enda lyktaði það sterklega af rangstöðu.
Þegar leið á fyrri hálfleikinn jafnaðist leikurinn og bæði lið áttu álitlegar sóknir en mörkin urðu ekki fleiri. Það sama var uppi á teningnum, þar sem Árborgarar stýrðu ferðinni en bæði lið fengu fín færi til að bæta við mörkum.
Staðan í deildinni er þannig að Árborg er í 3. sæti með 16 stig, Álftanes í toppsætinu með 24 stig og þar á milli situr Hamar með 18 stig og leik til góða.