Knattspyrnufélag Árborgar vann öruggan sigur á Höfnum í C-deild deildarbikars karla í knattspyrnu á Selfossvelli í kvöld.
Kristinn Sölvi Sigurgeirsson kom Árborg yfir strax á 8. mínútu og Aron Freyr Margeirsson tvöfaldaði forskotið á 42. mínútu, 2-0 í hálfleik.
Hafnamenn voru líklegri fyrsta korterið í seinni hálfleik en þá skoruðu Árborgar tvö mörk á tveimur mínútum og gerðu endanlega út um leikinn. David Dabrowski kom þeim í 3-0 á 61. mínútu og tveimur mínútum síðar skoraði Kristinn Sölvi sitt annað mark. Andrés Karl Guðjónsson rak svo síðasta naglann í kistu Hafna á 90. mínútu og tryggði Árborg 5-0 sigur.
Árborg er í 3. sæti riðils-1 í C-deildinni með 6 stig og á leik til góða á Hafnir sem eru í toppsætinu með 9 stig.