Árborg héraðsmeistari í handbolta

Knattspyrnufélag Árborgar tryggði sér héraðsmeistaratitilinn í handbolta þegar HSK-mótið í meistaraflokki fór fram á milli jóla og nýárs.

Fjögur lið tóku þátt í mótinu, Selfoss 1 og 2, Árborg og Baldur. Mótið var hraðmót þar sem leiktími var 2×10 mín.

Árborg sigraði í öllum sínum leikjum en lið Selfoss 1 varð í 2. sæti eftir að hafa lagt Baldur að velli en Baldursmenn urðu í 3. sæti.

Þetta var fimmta árið í röð sem mótið er haldið eftir að það var endurvakið. Handknattleiksnefnd HSK sá um undirbúning og framkvæmd mótsins, en leikmenn skiptust á að dæma leiki.

Úrslit leikja urðu eftirfarandi:
Selfoss 1 – Selfoss 2 17:4
Árborg – Baldur 18:12
Selfoss 2 – Baldur 6:11
Selfoss 1 – Árborg 13:17
Árborg – Selfoss 2 14:11
Baldur – Selfoss 1 14:19

Lokastaða:
1. sæti Árborg 6 stig
2. sæti Selfoss 1 4 stig
3. sæti Baldur 2 stig
4. sæti Selfoss 2 0 stig