Þegar þrjár umferðir eru eftir af 1. deild kvenna í knattspyrnu eru Selfyssingar komnir í bullandi baráttu um 2. sætið, sem gefur sæti í Bestu deildinni að ári.
Selfoss vann ÍA 1-0 á heimavelli í dag. Stevie Reynolds skoraði eina mark leiksins á 25. mínútu.
Selfoss er nú með 26 stig í 4. sæti deildarinnar, jafn mörg stig og KR sem er í 3. sæti en Haukar eru einu stigi á undan í 2. sætinu, með 27 stig.
Selfoss mætir toppliði Gróttu á útivelli um næstu helgi og á svo eftir heimaleik gegn HK og útileik gegn FHL í lokaumferðinni.